有一段時間沒有出 post 了！首先向大家問好！ 希望疫情盡快結束 ! 大家身體健康！
於今年庚子年這動盪的一年，我的心願是將風水玄學這個遠古學術，從增進健康及財富開始，能夠普及應用在我們的日常生活中; 希望最終能夠讓大家輕鬆體驗成就理想人生。
最近完成了一本書，想與大家分享，內容剖白風水玄學的由來及應用方法，打開玄學神秘面紗，在亞馬遜出售，有興趣可以一看，謝謝！
路 人甲問佢屋企就養咗8條白色魚，點知足幾個月，衰足幾個月，點解？於是馬上去路人甲屋企看個究竟？去到一睇，乜都啱，重係零神位，但係魚缸裡面有個強力水 泵，滴滴鬼煞咁嘈，咁就大吉變大凶，呢個叫做聲煞。原來睇風水等如觀察一個磁場，磁場係一個統稱，但凡能量都係跟頻率運作，聲音一樣用頻率運行，所以一樣 影響磁場，噪音聽得太多，可以令人發神經，甚至失控，寧靜舒適嘅環境，就會令人增運。相反，好似路人甲魚缸嘅氣泵就會令人減運，因此千祈唔好鬼煞咁嘈，否 則風水幾好都係假嘅。
當你想鬼煞咁嘈嘅時候，就不如笑吓，笑聲嘅頻率可以轉凶為吉，全世界嘅動物中，只有人類曉得笑，你話人類幾有福氣，咁你重唔笑吓？其他閱讀……..
過年好多人問：屋企養魚擺响間屋邊個方位？如果論精細D擺法，就先要睇過間屋嘅風水，先至有答案。但喺簡單嚟講，就係擺喺個廳嘅西南位。今年猴年西南位八 星到，大旺大吉，加上而家係八運，西南位擺水，叫做零神水，係八運嘅財位。我有個客人，西南位有個泳池，我幫佢佈局，呢幾年，由一層樓變咗十幾層樓，而且 都係用現金買，唔駛同銀行貸款。當然養缸魚唔及得個大泳池，但都會旺財，重有擺水要有法則，比如養魚數目：1、4、6、8、9，顏色：橙色、紅色、紫色、 藍色、淺灰色或最旺的嘅白色，千祈唔好黃色或黑色，同埋5條同2條亦唔吉利。其他閱讀……..
最近經濟低迷，生意圈老闆唔掂，打工仔無好日子。皆因陰曆12月地支屬丑月，丑為牛，牛月與羊年相沖，所以年尾無乜好日子過。大家只可以忍耐，留待明年，重新開始。講開生肖，咁就講吓12生肖最重要嘅嘢：六合及六沖。六合為子(鼠) 丑(牛) 合、寅(虎) 亥(豬) 合、卯(兔) 戌(狗) 合、辰(龍)酉(雞) 合、巳(蛇) 申(猴) 合、午(馬) 未 (羊) 合。記住自己生肖合乜嘢生肖，凡碰到呢個生肖，無論係親戚朋友、同事同學、老闆下屬，黐埋去都冇蝕底，呢嗰就係新年開運趨吉法。
上次講到，嗰個位冇人點接吉氣？秘密係用風水加強法，就係話俾間屋聽。咁又問：你點話？間屋又點聽？呢個係第二個秘密，王師傅又嚟秘密，俾你講哂啦！凡係 玄學嘅嘢都係信不信由你啦，呢個係真秘密。中國嘅玄學基礎就喺呢度，間屋係個大磁場，而人就係個小磁場，即係話小磁場同大磁場嘅溝通，咁用乜嘢嚟溝通呢？ 呢個係第三個秘密，個答案就係磁場用頻率來溝通，通過調整頻率就可以溝通，唔信呀？梗係啦，用窄頻梗係唔得啦，要用寬頻就得啦。請問王師傅，呢套理論，你 用過未？習以為常嘅嘢，對於我就冇乜秘密可言啦，所以我唔會收埋D嘢唔講。
有人問：兩個人住一間屋，本事差唔多，佈好風水局，點解—個發達，而另外一個只係好少少？如果條件一樣，輩份唔一樣，就會唔同。秘密係風水佈局分為八個 卦，每個卦代表八個唔同輩份的人，例如：乾卦代表年紀最大嘅男人，坤卦就係老婆婆，佈風水局，就可以加強某一個卦，但每年都有一粒星到臨每一個卦，嗰粒星 係吉定凶，就定咗嗰個卦嘅人該年嘅吉凶。但如果屬嗰個卦嘅輩份冇人，咁點計？咁就唔好計啦。咪住，凶星就梗係唔計，但吉星到，就要佈局去接吉氣囉。多口問 句，嗰個位冇人點接氣？呢個秘密下次話你知。
上次講到虎、蛇、猴月係幾時？虎月係農曆一月，蛇月係四月，猴月係七月，但中國曆法是以節氣嚟計，一月係立春，四月立夏，七月立秋，有人講：唔知你講乜？咁好啦，搵埋俾你：西曆二月四號至三月五日係虎月，五月五至六月五日係蛇月，八月七至九月七日係猴月，唔明？總之跟住呢D日子，例牌遠小人而近君子，危險嘢勿做。切記西曆二月四號後，搵塊太歲牌或者去攝太歲，做D善事更佳，又有人問：我屬猴，最多會蛇月唔見虎，或者會虎月唔會蛇，三個凶點只會兩個，咁又算點呢？呢個問題，問得真係聰明，但如果話咁唔算猛虎咬人局，就害咗你，因為連日子及時辰都有虎、蛇、猴；簡單D講，即係全年都要小心，照足上文咁做就無事囉。
明年沖犯太歲點解特別嚴重？首先屬虎、屬蛇及屬猴沖擊最大，再其次屬豬沖擊無咁大，原來凡係虎、蛇、猴相會之時，格局凶險，局名猛虎咬人，有人就問：我係屬虎，出年猴年，即係虎猴沖，並無會蛇：何來猛虎咬人？答曰：你以為無事就大件事啦，皆因每年都有蛇月，咁到明年蛇月就變成剛好虎、蛇、猴相會。穩陣起見，搵個太歲牌或者攝太歲則可解，搵太歲牌容易，但需高人開光，最好由純金或純銀打造，咁就趨吉避凶啦。至於幾時係虎、蛇、猴月，則下次話你知。
中國玄學是以「道」為核心，其理論為「道理」，而發展出很多實用而帶有可用技術的學問，是為「道術」，例如「陰陽五行理論」，除有整套完善哲學性體系外，可以用來承載中醫的理論基礎，亦可發展風水以增進建築學上的環保功能，如採光及幫助加強屋內空氣流通，這樣便可節省能源；陰陽五行更可用來發展面相學及命相學，用以歸納统計性格，以至分析人的心理行為，間接用於管理學，做到知人善任；更可用以推測天文地理，預測未來社會趨向。光是玄學中的陰陽五行便有這麼多樣的功能，所以中國的玄學是世界上獨一無二的活學問，最可貴是其有很強的實用性，而且這學問可自行發展，與時並進，更可以用來啟發其他學科，例如電腦的基礎原理逢二進一，便是由陰陽論啟發出來的。
