猴年2016沖犯太歲

明年沖犯太歲點解特別嚴重？首先屬虎、屬蛇及屬猴沖擊最大，再其次屬豬沖擊無咁大，原來凡係虎、蛇、猴相會之時，格局凶險，局名猛虎咬人，有人就問：我係屬虎，出年猴年，即係虎猴沖，並無會蛇：何來猛虎咬人？答曰：你以為無事就大件事啦，皆因每年都有蛇月，咁到明年蛇月就變成剛好虎、蛇、猴相會。穩陣起見，搵個太歲牌或者攝太歲則可解，搵太歲牌容易，但需高人開光，最好由純金或純銀打造，咁就趨吉避凶啦。至於幾時係虎、蛇、猴月，則下次話你知。