猴年生肖論

最近經濟低迷,生意圈老闆唔掂,打工仔無好日子。皆因陰曆12月地支屬丑月,丑為牛,牛月與羊年相沖,所以年尾無乜好日子過。大家只可以忍耐,留待明年,重新開始。講開生肖,咁就講吓12生肖最重要嘅嘢:六合及六沖。六合為子(鼠) 丑(牛) 合、寅(虎) 亥(豬) 合、卯(兔) 戌(狗) 合、辰(龍)酉(雞) 合、巳(蛇) 申(猴) 合、午(馬) 未 (羊) 合。記住自己生肖合乜嘢生肖,凡碰到呢個生肖,無論係親戚朋友、同事同學、老闆下屬,黐埋去都冇蝕底,呢嗰就係新年開運趨吉法。