風水王玄機

續魚缸風水

路 人甲問佢屋企就養咗8條白色魚,點知足幾個月,衰足幾個月,點解?於是馬上去路人甲屋企看個究竟?去到一睇,乜都啱,重係零神位,但係魚缸裡面有個強力水 泵,滴滴鬼煞咁嘈,咁就大吉變大凶,呢個叫做聲煞。原來睇風水等如觀察一個磁場,磁場係一個統稱,但凡能量都係跟頻率運作,聲音一樣用頻率運行,所以一樣 影響磁場,噪音聽得太多,可以令人發神經,甚至失控,寧靜舒適嘅環境,就會令人增運。相反,好似路人甲魚缸嘅氣泵就會令人減運,因此千祈唔好鬼煞咁嘈,否 則風水幾好都係假嘅。
當你想鬼煞咁嘈嘅時候,就不如笑吓,笑聲嘅頻率可以轉凶為吉,全世界嘅動物中,只有人類曉得笑,你話人類幾有福氣,咁你重唔笑吓?其他閱讀……..

魚缸風水

過年好多人問:屋企養魚擺响間屋邊個方位?如果論精細D擺法,就先要睇過間屋嘅風水,先至有答案。但喺簡單嚟講,就係擺喺個廳嘅西南位。今年猴年西南位八 星到,大旺大吉,加上而家係八運,西南位擺水,叫做零神水,係八運嘅財位。我有個客人,西南位有個泳池,我幫佢佈局,呢幾年,由一層樓變咗十幾層樓,而且 都係用現金買,唔駛同銀行貸款。當然養缸魚唔及得個大泳池,但都會旺財,重有擺水要有法則,比如養魚數目:1、4、6、8、9,顏色:橙色、紅色、紫色、 藍色、淺灰色或最旺的嘅白色,千祈唔好黃色或黑色,同埋5條同2條亦唔吉利。其他閱讀……..

猴年生肖論

最近經濟低迷,生意圈老闆唔掂,打工仔無好日子。皆因陰曆12月地支屬丑月,丑為牛,牛月與羊年相沖,所以年尾無乜好日子過。大家只可以忍耐,留待明年,重新開始。講開生肖,咁就講吓12生肖最重要嘅嘢:六合及六沖。六合為子(鼠) 丑(牛) 合、寅(虎) 亥(豬) 合、卯(兔) 戌(狗) 合、辰(龍)酉(雞) 合、巳(蛇) 申(猴) 合、午(馬) 未 (羊) 合。記住自己生肖合乜嘢生肖,凡碰到呢個生肖,無論係親戚朋友、同事同學、老闆下屬,黐埋去都冇蝕底,呢嗰就係新年開運趨吉法。

風水加強法…續

上次講到,嗰個位冇人點接吉氣?秘密係用風水加強法,就係話俾間屋聽。咁又問:你點話?間屋又點聽?呢個係第二個秘密,王師傅又嚟秘密,俾你講哂啦!凡係 玄學嘅嘢都係信不信由你啦,呢個係真秘密。中國嘅玄學基礎就喺呢度,間屋係個大磁場,而人就係個小磁場,即係話小磁場同大磁場嘅溝通,咁用乜嘢嚟溝通呢? 呢個係第三個秘密,個答案就係磁場用頻率來溝通,通過調整頻率就可以溝通,唔信呀?梗係啦,用窄頻梗係唔得啦,要用寬頻就得啦。請問王師傅,呢套理論,你 用過未?習以為常嘅嘢,對於我就冇乜秘密可言啦,所以我唔會收埋D嘢唔講。

Feng Shui Wong - 風水王的相片。
風水加強法

有人問:兩個人住一間屋,本事差唔多,佈好風水局,點解—個發達,而另外一個只係好少少?如果條件一樣,輩份唔一樣,就會唔同。秘密係風水佈局分為八個 卦,每個卦代表八個唔同輩份的人,例如:乾卦代表年紀最大嘅男人,坤卦就係老婆婆,佈風水局,就可以加強某一個卦,但每年都有一粒星到臨每一個卦,嗰粒星 係吉定凶,就定咗嗰個卦嘅人該年嘅吉凶。但如果屬嗰個卦嘅輩份冇人,咁點計?咁就唔好計啦。咪住,凶星就梗係唔計,但吉星到,就要佈局去接吉氣囉。多口問 句,嗰個位冇人點接氣?呢個秘密下次話你知。

Feng Shui Wong - 風水王的相片。
猴年沖犯太歲 .. 續

上次講到虎、蛇、猴月係幾時?虎月係農曆一月,蛇月係四月,猴月係七月,但中國曆法是以節氣嚟計,一月係立春,四月立夏,七月立秋,有人講:唔知你講乜?咁好啦,搵埋俾你:西曆二月四號至三月五日係虎月,五月五至六月五日係蛇月,八月七至九月七日係猴月,唔明?總之跟住呢D日子,例牌遠小人而近君子,危險嘢勿做。切記西曆二月四號後,搵塊太歲牌或者去攝太歲,做D善事更佳,又有人問:我屬猴,最多會蛇月唔見虎,或者會虎月唔會蛇,三個凶點只會兩個,咁又算點呢?呢個問題,問得真係聰明,但如果話咁唔算猛虎咬人局,就害咗你,因為連日子及時辰都有虎、蛇、猴;簡單D講,即係全年都要小心,照足上文咁做就無事囉。

tai shui

 

猴年2016沖犯太歲

明年沖犯太歲點解特別嚴重?首先屬虎、屬蛇及屬猴沖擊最大,再其次屬豬沖擊無咁大,原來凡係虎、蛇、猴相會之時,格局凶險,局名猛虎咬人,有人就問:我係屬虎,出年猴年,即係虎猴沖,並無會蛇:何來猛虎咬人?答曰:你以為無事就大件事啦,皆因每年都有蛇月,咁到明年蛇月就變成剛好虎、蛇、猴相會。穩陣起見,搵個太歲牌或者攝太歲則可解,搵太歲牌容易,但需高人開光,最好由純金或純銀打造,咁就趨吉避凶啦。至於幾時係虎、蛇、猴月,則下次話你知。

獨特的中國玄學

中國玄學是以「道」為核心,其理論為「道理」,而發展出很多實用而帶有可用技術的學問,是為「道術」,例如「陰陽五行理論」,除有整套完善哲學性體系外,可以用來承載中醫的理論基礎,亦可發展風水以增進建築學上的環保功能,如採光及幫助加強屋內空氣流通,這樣便可節省能源;陰陽五行更可用來發展面相學及命相學,用以歸納统計性格,以至分析人的心理行為,間接用於管理學,做到知人善任;更可用以推測天文地理,預測未來社會趨向。光是玄學中的陰陽五行便有這麼多樣的功能,所以中國的玄學是世界上獨一無二的活學問,最可貴是其有很強的實用性,而且這學問可自行發展,與時並進,更可以用來啟發其他學科,例如電腦的基礎原理逢二進一,便是由陰陽論啟發出來的。